Folla 14- Autorización inicial de residencia temporal e traballo por conta propia

*O contido desta páxina é meramente orientativo. Unicamente é de aplicación o disposto na normativa vixente no momento de presentación da solicitude.

Última actualización: maio de 2025

Índice de contidos

  • Tipo de autorización
  • Normativa básica
  • Requisitos
  • Documentación esixible
  • Procedemento

AUTORIAutorización

É unha autorización de residencia temporal e traballo a unha persoa estranxeira non residente en España para a realización dunha actividade lucrativa por conta propia.

NORMATIVA BÁSICA

  • Lei orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social (artigos 25 bis, 36 e 37).
  • Real decreto 1155/2024, do 19 de novembro, polo que se aproba o Regulamento da Lei orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social (artigos 82 a 85)

REQUISITOS

  • Non ser cidadán dun Estado da Unión Europea, do Espazo Económico Europeo ou de Suíza, ou familiar de cidadáns destes países aos que lles sexa de aplicación o réxime de cidadán da Unión.
  • Non se atopa irregularmente en territorio español.
  • Carecer de antecedentes penais en España e nos países onde residise os últimos cinco anos, por delitos existentes no ordenamento español.
  • Non figurar como rexeitable no espazo territorial de países cos que España teña asinado un convenio en tal sentido.
  • Non atoparse, se é o caso,dentro do prazo de compromiso de non retorno a España que a persoa estranxeira asumise ao retornar voluntariamente ao seu país de orixe.
  • Non representar unha ameaza para a orde pública, a seguridade ou a saúde pública.
  • Cumprir os requisitos que a lexislación vixente esixe aos nacionais para a apertura e funcionamento da actividade proxectada.
  • Posuír a cualificación profesional exixible ou experiencia acreditada, suficiente no exercicio da actividade profesional, así como no seu caso a colexiación cando así se requira.
  • Poder acreditar que o investimento previsto sexa suficiente e a incidencia, se é o caso, na creación de emprego, incluíndo como tal o autoemprego.
  • Aboar a taxa correspondente pola tramitación do procedemento.

DOCUMENTACIÓN EXIXIBLE

Nota: con carácter xeral deberanse achegar copias dos documentos e exhibir os orixinais no momento de presentar a solicitude.

  • Copia do pasaporte completo ou título de viaxe,ou, se é o caso, cédula de inscrición en vigor
  • Certificado de antecedentes penais expedido polas Autoridades do país ou países en que residise durante os cinco últimos anos anteriores á súa entrada en España.
  • En actividades comerciais minoristas e prestación dos servizos enumerados no Anexo da Lei 12/2012, do 26 de decembro, que se realicen en establecementos permanentes, cuxa superficie útil sexa igual ou inferior a 750 metros cadrados, declaración responsable ou comunicación previa (nos termos previstos no artigo 69 da Lei 39/2015, do 1 de outubro) e, se é o caso, xustificante de pagamento do correspondente tributo.

No resto de actividades e prestacións de servizos profesionais,relación das autorizacións ou licenzas que se exixan para a instalación, apertura ou funcionamento da actividade proxectada ou para o exercicio profesional, indicando a situación en que se encontre os trámites para a súa consecución, incluíndo, se é o caso, as certificacións de solicitude ante os organismos correspondentes.

  • Copia da documentación que acredite a capacitación e, se é o caso, a cualificación profesional exixida legalmente para o exercicio da profesión, así como a homologación e/ou recoñecemento, e no seu caso colexiación, para o exercicio da profesión no caso de profesións reguladas en España.
  • Copia da documentación que acredite a suficiencia do investimento previsto para a implantación do proxecto e sobre a incidencia, se é o caso, na creación de emprego, incluíndo como tal o autoemprego.

A título de exemplo e con independencia da súa xustificación mediante outros medios admisibles en Dereito, os dous últimos apartados poden ser acreditados polo informe de valoración emitido por unha das seguintes organizacións:

  • Federación Nacional de Asociaciones de Empresarios y Trabajadores Autónomos (ATA)
  • Unión de Profesionais e Traballadores Autónomos (UPTA)
  • Confederación Intersectorial de Autónomos del Estado Español (CIAE)
  • Organización de Profesionais e Autónomos (OPA)
  • Unión de Asociacións de Traballadores Autónomos e Emprendedores (UATAE)

Nota importante:cando se acheguen documentos doutros países deberán estar traducidos ao castelán ou lingua cooficial do territorio onde se presente a solicitude por un tradutor xurado.

Lista de tradutores xurados.

Por outro lado, todo documento público estranxeiro deberá ser previamente legalizado pola Oficina Consular de España con xurisdición no país en que se expediu o devandito documento ou, se é o caso, polo Ministerio de Asuntos Exteriores, Unión Europea e Cooperación salvo no caso en que o devandito documento fose apostilado pola Autoridade competente do país emisor segundo o Convenio da Haia do 5 de outubro de 1961 e salvo que o devandito documento estea exento de legalización en virtude de Convenio Internacional.

Información sobre tradución e legalización dos documentos.

PROCEDEMENTO

  • Suxeito lexitimado para presentar a solicitude:a persoa estranxeira,persoalmente.

Folla informativa sobre suxeitos lexitimados.

  • Lugar de presentación:
  • Presencialmente, na Oficina Consular española correspondente ao seu lugar de residencia.

Información da dirección, teléfonos e horarios de atención ao público.

  • Taxas correspondentes de residencia e traballo:devengaranse no momento de presentación da solicitude, e deberán aboarse no prazo de dez días hábiles:
  • Modelo 790 código 052, epígrafe 2.1.3. “autorización inicial de residencia temporal e traballo por conta allea e/ou propia”.
  • Modelo 790 código 062, epígrafe 3.3.1. “Autorización de traballo para autorizacións iniciais de residencia temporal de traballo por conta propia” , se a autorización de traballo ten unha duración igual ou superior a seis meses.

O impreso para o abono poderase descargar desde esta páxina.

  • Prazo de resolución da solicitude: tres meses contados a partir do día seguinte á data en que tivese entrada no rexistro do órgano competente para a súa tramitación. Transcorrido o dito prazo sen que a Administración practicase a notificación, poderase entender que a solicitude foi desestimada por silencio administrativo (Cando non se puidese notificar a resolución anunciarase no Taboleiro Edictal Único (TEU).Se se optase por notificación electrónica ou normativamente estivese obrigado a utilizar ese medio, a resolución notificarase mediante publicación na sede electrónica.Se non se accedese á resolución en dez días naturais desde a súa publicación, darase por notificada).
  • A Misión Diplomática Oficina Consular notificará ao interesado a resolución sobre a solicitude de residencia temporal e traballo por conta propia.
  • No caso de concesión, o traballador dispón dun mes desde a notificación para solicitar persoalmente o visado, na Misión Diplomática ou Oficina Consular en cuxa demarcación resida. Á solicitude deberá acompañar:
  • Pasaporte ordinario ou título de viaxe recoñecido como válido en España cunha vixencia mínima dun ano.
  • Certificado de antecedentes penais expedido polas autoridades do país de orixe ou do país ou países en que residise durante os últimos cinco anos.
  • Certificado médico.
  • A Misión Diplomática resolverá sobre a solicitude no prazo dun mes.
  • Notificada a concesión do visado, se é o caso, o traballador deberá recollelo persoalmente no prazo dun mes desde a data de notificación. De non efectuarse a recollida no prazo mencionado, entenderase que renunciou e producirase o arquivo do expediente.
  • Unha vez recollido o visado, o traballador deberá entrar en territorio español no prazo de vixencia do visado, que será de tres meses, o cal habilita para a entrada e permanencia en España en situación de estadía ata que se produza a súa afiliación e alta na Seguridade Social.
  • A partir da entrada en España, o traballador dispón de tres meses para que se efectúe a súa afiliación, alta e posterior cotización nos termos establecidos pola normativa de Seguridade Social que resulte de aplicación.
  • No prazo dun mes desde que o traballador se dese de alta en Seguridade Social,deberá solicitar, persoalmente, a tarxeta de identidade de estranxeiro na Comisaría de Policía da provincia onde se tramitase a autorización.

A documentación a achegar na solicitude da tarxeta de identidade de estranxeiro pode ser consultada no seguinte enlace:

https: / / / sede.administracionespublicas.gob.es/procedimientos/index/categoria/34

  • A autorización inicial de residencia temporal e traballo por conta propia terá unha duración dun ano e limitarase a un ámbito xeográfico autonómico e a un sector de actividade.