O Acordo de Retirada garante que os que resultan beneficiarios deste manteñen o seu mesmo réxime xurídico máis alá do período transitorio. Por conseguinte, aqueles que exerceron o seu dereito de residir ou traballar en conformidade co dereito da Unión antes de 31 de decembro de 2020 e que continúen a facelo máis tarde, terán exactamente os mesmos dereitos que viñan gozando, encontrándose suxeitos tamén ás mesmas restricións e limitacións.
Isto inclúe os traballadores fronteirizos en relación co Estado de traballo, entendéndose como tal aquel nacional do Reino Unido que exercese unha actividade económica, de acordo co artigo 45 ou 49 do Tratado de Funcionamento da Unión Europea (TFUE) , como traballador fronteirizo en España antes da finalización do período transitorio e continúe, tras a súa terminación, sen residir nel.
O procedemento para a expedición do documento que acredite que un nacional de Reino Unido é traballador fronteirizo en España en base ao Acordo de Retirada está operativo desde o 1 de xaneiro de 2021 e regúlase na Instrución conxunta da Dirección Xeral de Migracións e da Dirección Xeral da Policía pola que se determina o procedemento para a expedición do documento previsto no artigo 26 do Acordo de Retirada.
