Folla 10- Renovación da autorización de residencia temporal por reagrupamento familiar

*O contido desta páxina é meramente orientativo. Unicamente é de aplicación o disposto na normativa vixente no momento de presentación da solicitude.

Última actualización: maio de 2025

Índice de contidos

  • Tipo de autorización
  • Normativa básica
  • Requisitos
  • Documentación esixible
  • Procedemento

AUTORIAutorización

É a renovación da autorización de residencia temporal por reagrupamento familiar que porán obter os familiares reagrupados.

NORMATIVA BÁSICA

  • Directiva 2003/., de 22 de setembro, sobre o dereito ao reagrupamento familiar.
  • Lei orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social (artigos do 16 ao 19).
  • Real decreto 1155/2024, do 19 de novembro, polo que se aproba o Regulamento da Lei orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social (artigo 71).

https: / / @extranjeros.inclusion.gob.es/InformacionInteres/InformacionProcedimientos/Ciudadanos nocomunitarios/hoja015/index.html

REQUISITOS

  • Non ser cidadán dun Estado da Unión Europea, do Espazo Económico Europeo ou de Suíza, ou familiar de cidadáns destes países aos que lles sexa de aplicación o réxime de cidadán da Unión.
  • Carecer de antecedentes penais en España e nos países onde residise os últimos cinco anos, por delitos existentes no ordenamento español.
  • A persoa reagrupante debe ser titular dunha autorización de residencia, a persoa reagrupada debe ser titular da autorización de residencia por reagrupamento familiar, e ambas as autorizacións deben atoparse en vigor ou manterse dentro do prazo de tres meses posteriores á caducidade desta.Debe renovar o vínculo familiar ou de parentesco ou a existencia da unión de feito na que se fundamenta a concesión da autorización a renovar.
  • Se é o caso,ter escolarizados os menores ao seu cargo en idade de escolarización obrigatoria durante a permanencia destes en España.
  • Aboar a taxa correspondente pola tramitación do procedemento.

https: / / @extranjeros.inclusion.gob.es/InformacionInteres/InformacionProcedimientos/Ciudadanos nocomunitarios/hoja015/index.html

DOCUMENTACIÓN EXIXIBLE

Nota: con carácter xeral deberanse achegar copias dos documentos e exhibir os orixinais no momento de presentar a solicitude

  • Impreso de solicitude, debidamente cuberto e asinado pola persoa reagrupada:
  • Se o reagrupante é titular ou accede a unha residencia de longa duración ou longa duración-UE:modelo oficial (EX-11).
  • Copia completa do pasaporte en vigor, cédula de inscrición ou título de viaxe, recoñecido como válido en España,do reagrupado e do reagrupante.
  • Se é o caso,documentación acreditativa da vixencia do matrimonio ou da relación análoga á conxugal.
  • Se é o caso,informe emitido polas autoridades autonómicas competentes que acredite a escolarización dos menores en idade de escolarización obrigatoria que estean ao seu cargo.
  • Se é o caso,documentación acreditativa do esforzo de integración que se acreditará mediante a achega, entre outros medios de proba, dun informe favorable dos órganos competentes da Comunidade Autónoma do seu lugar de residencia.

Nota importante: cando se acheguen documentos doutros países deberán estar traducidos ao castelán ou lingua cooficial do territorio onde se presente a solicitude por un tradutor xurado.

Lista de tradutores xurados.

Por outro lado, todo documento público estranxeiro deberá ser previamente legalizado pola Oficina Consular de España con xurisdición no país en que se expediu o devandito documento ou, se é o caso, polo Ministerio de Asuntos Exteriores, Unión Europea e Cooperación salvo no caso en que o devandito documento fose apostilado pola Autoridade competente do país emisor segundo o Convenio da Haia do 5 de outubro de 1961 e salvo que o devandito documento estea exento de legalización en virtude de Convenio Internacional.

Información sobre tradución e legalización dos documentos.

PROCEDEMENTO

  • Suxeito lexitimado para presenta-la solicitude: o reagrupado, persoalmente ou mediante representación.

A renovación da autorización de residencia por reagrupamento familiar de descendentes, menores tutelados ou ascendentes poderá ser solicitada polo cónxuxe ou parella do reagrupante, sempre que o dito cónxuxe ou parella sexa residente en España, forme parte da mesma unidade familiar, e o reagrupante orixinal non reúna os requisitos exixibles para a renovación da autorización por reagrupamento familiar. Isto será igualmente de aplicación, no caso de descendentes ou menores tutelados, respecto do seu outro proxenitor ou titor, sempre que este teña a condición de residente en España e sen prexuízo de que forme parte ou non da unidade familiar.

Folla informativa sobre suxeitos lexitimados.

  • Presentación da solicitude: a renovación da autorización deberá solicitarse en modelo oficial no prazo de dous meses previos á súa expiración ou dentro dos tres meses posteriores a esa data.
  • Lugar de presentación:
  • Presencialmente, na Oficina de Estranxeiría da provincia na que a persoa estranxeira teña fixada a residencia.

Información da dirección, teléfonos e horarios de atención ao público.

  • Taxa correspondente: devengarase no momento de presentación da solicitude, e deberá aboarse no prazo de dez días hábiles:
  • Se corresponde obter residencia temporal: Modelo 790 código 052, epígrafe 2.2.2. “Renovación ou prórroga de residencia temporal por reagrupamento familiar”.
  • Se corresponde obter residencia longa duración: Modelo 790 código 052, epígrafe 2.6. “Autorización de residencia de longa duración – UE e autorización de residencia de longa duración nacional”.

O impreso para o abono poderase descargar desde esta páxina.

  • Prazo de resolución da solicitude: tres meses contados a partir do día seguinte á data en que tivese entrada no rexistro do órgano competente para a súa tramitación. Transcorrido o dito prazo sen que a Administración dese resposta expresa, poderase entender que a solicitude foi estimada por silencio administrativo.(Cando non se puidese notificar a resolución anunciarase no Taboleiro Edictal Único (TEU) Se se optase por notificación electrónica ou normativamente estivese obrigado a utilizar ese medio, a resolución notificarase mediante publicación na sede electrónica.Se non se accedese á resolución en dez días naturais desde a súa publicación, darase por notificada).
  • No prazo dun mes desde a notificación da súa concesión,deberá solicitar, persoalmente, (no suposto de menores, o representante, acompañado do menor) a tarxeta de identidade de estranxeiro na Comisaría de Policía ou servizos policiais competentes do seu lugar de residencia.

A documentación a achegar na solicitude da tarxeta de identidade de estranxeiro pode ser consultada no seguinte enlace:

https: / / / sede.administracionespublicas.gob.es/procedimientos/index/categoria/34

  • A autorización renovada, que habilitará para traballar por conta allea e por conta propia sen ningún tipo de limitación,terá unha duración de catro anos e esa vixencia quedará condicionada ó mantemento da autorización de residencia da que sexa titular a persoa reagrupante da que dependa.