Folla 59- Supostos nos que a SNE permite a contratación de cidadáns estranxeiros non residentes en España

*O contido desta páxina é meramente orientativo. Unicamente é de aplicación o disposto na normativa vixente no momento de presentación da solicitude.

Última actualización: maio de 2025

  • Cando a ocupación está incluída no catálogo de ocupacións de difícil cobertura publicado polo Servizo Público de Emprego Estatal trimestralmente.
  • Nas ocupacións non cualificadas como de difícil cobertura cando o empregador acredite ante a Oficina de Estranxeiría a dificultade de cubrir os postos de traballo vacantes con traballadores xa incorporados no mercado laboral interno. Para estes efectos, a Oficina de Estranxeiría terá en consideración o informe presentado polos Servizos Públicos de Emprego, así como a urxencia da contratación acreditada pola empresa.Para iso, o empregador deberá presentar unha oferta de emprego ante o Servizo Público de emprego competente no territorio onde radique o posto de traballo que pretende cubrir.
  • Cando a contratación vai dirixida a nacionais de Estados cos que España subscribiu Acordos Internacionais (Chile e Perú).
  • Cando é un suposto recollido no artigo 40 da Lei Orgánica 4/2000.Son os seguintes:
  • Os familiares reagrupados en idade laboral ou o cónxuxe ou fillo da persoa estranxeira residente en España con autorización renovada, ou fillo de español nacionalizado, ou cidadán da Unión Europea que leve como mínimo un ano residindo en España. Se aportará:
    • Certificado de matrimonio, se é cónxuxe, ou de nacemento, se é fillo.
    • TIE, DNI ou Certificado de Rexistro do familiar que confire a preferencia.
  • Traballador necesario para a montaxe por renovación dunha instalación ou equipos produtivos.
    • Acreditarase con certificado da empresa.
  • Persoa estranxeira que gozara da condición de refuxiado, durante o ano seguinte á cesación da aplicación da Convención de Xenebra, ou que fose recoñecido como apátrida no ano seguinte á terminación do estatuto.
    • Acreditarase presentando certificado do órgano competente acreditativo da data de extinción como refuxiado ou apátrida.
  • Persoas estranxeiras que teñan ao seu cargo ascendentes ou descendentes de nacionalidade española. Deberase achegar:
    • Certificado acreditativo do parentesco.
    • Documentación acreditativa de estar a cargo (no suposto de ascendentes, ou descendentes maiores de 18 anos).
  • Ser fillo ou neto de español de orixe. Deberase achegar:
    • Documentación acreditativa do parentesco.
    • Documentación acreditativa de que o pai/nai ou avó/a é español/a de orixe.
  • Traballador que foi titular de autorizacións de traballo para actividades de tempada durante dous anos naturais e retornou ao país de orixe.
    • Deberase achegar certificado do Consulado español no país de orixe que acredite os correspondentes retornos.
  • Traballador que renunciou á autorización de residencia e traballo en virtude dun programa de retorno voluntario unha vez transcorrido o prazo de non retorno.
  • Cobertura de postos de confianza e directivos de empresas. Son aqueles traballadores que desempeñen unicamente actividades propias de alta dirección baseadas na recíproca confianza e que exerzan legalmente a representación da empresa ou teñan estendido ao seu favor un poder xeral.
    • Deberase achegar certificado da empresa e, se é o caso, poder xeral.
  • Traballador que sexa contratado en base ao procedemento para autorizar a entrada, residencia e traballo en España, de persoas estranxeiras en cuxa actividade profesional concorran razóns de interese económico, social ou laboral ou cuxo obxecto sexa a realización de traballos de investigación ou desenvolvemento ou docentes, que requiran alta cualificación, ou de actuacións artísticas de especial interese cultural.
  • Traballadores en cadro de persoal dunha empresa ou grupo de empresas noutro país que pretendan desenvolver a súa actividade laboral para a mesma empresa ou grupo en España, sempre que se acredite que a actividade do traballador require un coñecemento directo e fehaciente da empresa.
    • Deberase achegar documentación acreditativa de pertencer á empresa e da actividade que o traballador vai realizar.