Folla 41- Autorización de residencia temporal do menor estranxeiro acompañado nacido en España

*O contido desta páxina é meramente orientativo. Unicamente é de aplicación o disposto na normativa vixente no momento de presentación da solicitude.

Última actualización: maio de 2025

Índice de contidos

  • Tipo de autorización
  • Normativa básica
  • Requisitos
  • Documentación esixible
  • Procedemento

AUTORIAutorización

É unha autorización de residencia temporal que adquiren as persoas estranxeiras menores de idade nacidas en España que sexan fillas solteiras, biolóxicas ou adoptadas de proxenitores estranxeiros titulares dalgunha autorización de residencia descrita no Regulamento de Estranxeiría (Real Decreto 1155/2024).

NORMATIVA BÁSICA

  • Lei orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social (artigos do 16 ao 19, e 31).
  • Real decreto 1155/2024, do 19 de novembro, polo que se aproba o Regulamento da Lei orgánica 4/2000, do 11 de xaneiro, sobre dereitos e liberdades dos estranxeiros en España e a súa integración social (artigos 65 a 71 e 159).
  • Instrucións DGM 4/2020 sobre a flexibilización do requisito de medios suficientes na tramitación de autorizacións de residencia por reagrupamento familiar.


REQUISITOS

  • Non ser cidadán comunitario, nin familiar de cidadán dun Estado da Unión Europea, do Espazo Económico Europeo ou de Suíza ao que lle sexa de aplicación o réxime de cidadán da Unión.
  • Que a persoa estranxeira menor de idade nacese en España (constancia da inscrición do menor no Rexistro Civil).
  • Que o fillo no momento da solicitude sexa menor de idade e se atope en España.
  • Que a persoa proxenitora (calquera deles) conte cunha autorización de residencia descrita no Regulamento de Estranxeiría (Real Decreto 1155/2024).
  • Aboar a taxa correspondente pola tramitación do procedemento.

DOCUMENTACIÓN EXIXIBLE

Nota:

  • Impreso de solicitude en modelo oficial (EX- 25) debidamente cumprimentado e asinado por unha das persoas proxenitoras do menor.
  • Copia do pasaporte completo, documento de viaxe ou cédula de inscrición en vigor tanto da persoa menor como da persoa proxenitora solicitante.
  • Copia do certificado de nacemento en España da persoa estranxeira menor.
  • Cando a persoa menor se encontre en idade de escolarización obrigatoria deberase acreditar a matrícula nun centro de ensino oficial.
  • Impreso de Declaración do cumprimento da obriga de escolarización de menores a cargo en España.

O impreso de Declaración poderase descargar desde esta páxina.

  • Documentación acreditativa da situación de residencia da persoa proxenitora: resolución de concesión de autorización de residencia ou visado de residencia ou Tarxeta de Identidade de Extranjiro.
  • Cando o menor non se encontre en España: exixirase a presentación da declaración ou autorización da outra persoa proxenitora para que o menor poida residir en España, agás que a persoa proxenitora que é solicitante teña a custodia con carácter exclusivo ou medie autorización xudicial; neses casos achegasen a documentación que avale esas circunstancias.

Nota importante: cando se acheguen documentos doutros países deberán estar traducidos ao castelán ou lingua cooficial do territorio onde se presente a solicitude por un tradutor xurado.

Lista de tradutores xurados.

Por outro lado, todo documento público estranxeiro deberá ser previamente legalizado pola Oficina consular de España con xurisdición no país en que se expediu o devandito documento ou, se é o caso, polo Ministerio de Asuntos Exteriores, Unión Europea e Cooperación salvo no caso en que o devandito documento fose apostilado pola Autoridade competente do país emisor segundo o Convenio da Haia do 5 de outubro de 1961 e salvo que o devandito documento estea exento de legalización en virtude de Convenio Internacional.

Información sobre a tradución e legalización dos documentos.

PROCEDEMENTO

  • Suxeito lexitimado para presentar a solicitude: persoalmente, algunha das persoas proxenitoras titulares dalgunha autorización de residencia descrita no Regulamento de Estranxeiría (Real Decreto 1155/2024).
  • Lugar de presentación:
  • Presencialmente, na Oficina de Estranxeiría da provincia na que a persoa menor ou discapacitada estranxeira teña fixado o domicilio.

Información da dirección, teléfonos e horarios de atención ao público.

  • A solicitude deberase presentar:
    • No prazo dos 6 meses seguintes á data do nacemento.
  • No prazo dos 6 meses seguintes desde que algún dos seus proxenitores acceda á situación de residencia sempre e cando a persoa menor se encontre en territorio nacional e non se ausentase de España desde o seu nacemento (contado desde o día seguinte á notificación da resolución da concesión de residencia do pai ou da nai).
    • No caso de non cumprirse as circunstancias anteriores, á persoa menor exixiráselle a aplicación do procedemento de reagrupamento familiar:
      • Persoa menor nacida en España e que se atopa en territorio nacional, non precisa visado, neste caso esixiranse os requisitos do artigo 67 do Real Decreto 1155/2024 (requisitos do reagrupamento familiar).
      • Persoa menor nacida en España e que nese momento non se atope en territorio nacional, neste suposto o procedemento será o desenvolvido no artigo 67 e 68 do Real Decreto 1155/2024:
  • Esixirase a presentación da declaración ou autorización da outra persoa proxenitora para que o menor poida residir en España, agás que a persoa proxenitora que é solicitante ostente a custodia con carácter exclusivo ou medie autorización xudicial; neses casos achegasen a documentación que avale esas circunstancias.
  • Taxa correspondente: devengarase no momento de presentación da solicitude, e deberá aboarse no prazo de dez días hábiles:
  • Modelo 790 código 052, epígrafe 2.1.5 “autorización inicial de residencia temporal de menores estranxeiros acompañados”.

O impreso para o abono poderase descargar desde esta páxina.

  • Prazo de resolución e notificación da solicitude: un mes contado a partir do día seguinte á data en que tivese entrada no rexistro do órgano competente para tramitalas. Sen prexuízo da resolución que a Administración debe ditar, o vencemento do prazo máximo sen terse notificado resolución expresa, lexitima para entendela desestimada por silencio administrativo. (Cando non se puidese notificar a resolución anunciarase no Taboleiro Edictal Único (TEU).Se se optase por notificación electrónica ou normativamente estivese obrigado a utilizar ese medio, a resolución notificarase mediante publicación na sede electrónica.Se non se accedese á resolución en 10 días naturais desde a súa publicación, darase por notificada).
  • A autorización concedida terá unha vixencia de cinco anos.
  • A autorización de residencia concedida habilitará para traballar sen ningún trámite cando os titulares alcancen a idade laboral.
  • No prazo dun mes desde a concesión da autorización de residencia, a persoa menor estranxeira acompañada por un dos seus proxenitores, deberán solicitar persoalmente a tarxeta de identidade de estranxeiro na Comisaría de Policía ou servizos policiais competentes do seu lugar de residencia.

A documentación a achegar na solicitude da tarxeta de identidade de estranxeiro pode ser consultada no seguinte enlace:

https:


  • Para as renovacións das autorizacións seguiranse os trámites e o procedemento establecido para as autorizacións de residencia de longa duración ou longa duración U.E. (ver autorización de residencia de longa duración).