Subvenciones a entidades sin fin de lucro para proyectos del área de integración de inmigrantes 2018 - Migracións

Extracto da resolución do 25 de xullo de 2018 (BOE 3/08/2018) , da Dirección Xeral de Integración e Atención Humanitaria,pola que se convocan subvencións para o desenvolvemento de actuacións de interese xeral en materia de estranxeiría, destinadas a favorecer a convivencia e a cohesión social, cofinanciadas con fondos da Unión Europea.

Trátase de proxectos dirixidos á adquisición de coñecementos e habilidades necesarias para desenvolverse na sociedade española (información, orientación e asesoramento sobre a sociedade de acollida, en particular, proxectos de aprendizaxe do español e, se é o caso, de linguas cooficiais) , proxectos que promovan a igualdade en distintos ámbitos (educación, saúde, muller) , proxectos que persigan a promoción da igualdade de trato e non discriminación na sociedade, proxectos de investigación, para a identificación de experiencias e boas prácticas).

As entidades ou organizacións non gobernamentais que concorran á convocatoria deberán reunir os requisitos establecidos no artigo 4 da Orde ESS/1423/2012 do 29 de xuño:

• Ter como fins institucionais primordiais a realización de actividades a favor dos colectivos citados no artigo 1.
• Carecer de fins de lucro.
• Ter ámbito de actuación estatal, excepto aquelas organizacións cuxo ámbito territorial de actuación sexa Ceuta e Melilla.
• Deberán estar legalmente constituídas e inscritas no correspondente rexistro administrativo estatal. 5º Dispoñer da estrutura e capacidade suficientes para garantir o cumprimento dos obxectivos, acreditando a experiencia operativa necesaria.
• Non ter reintegrado máis do 40 por cento das axudas e subvencións recibidas en calquera das últimas cinco convocatorias.

Serán destinatarios dos proxectos as persoas nacionais de terceiros países que residan legalmente ou, se é o caso, que se encontren en proceso de obtención de residencia legal. Na medida en que sexa necesario para a aplicación eficaz dos proxectos subvencionados, estes poderán admitir nas súas accións aos familiares directos desas persoas. Determinadas actividades dirixidas a fomentar o diálogo entre os mencionados nacionais de países terceiros e a sociedade de acollida e a promover a súa aceptación por parte desta, poderán estar dirixidas á poboación xeral.

De conformidade co artigo 6 da Orde ESS/1423/2012 do 29 xuño,as solicitudes para participar na presente convocatoria deberán presentarse no prazo de vinte días naturais contados a partir do día seguinte ao da publicación do extracto da Resolución do 25 de xullo (BOE 3/08/2018). A aplicación informática a través da cal se poderá xestionar a cumprimentación e presentación de solicitudes é SigesW.

Orde ESS/1423/2012, do 29 de xuño, pola que se establecen as bases reguladoras para a concesión de subvencións na área de integración dos inmigrantes,solicitantes e beneficiarios de protección internacional, apátridas e protección temporal. (BOE 30/6/2012).