Fondos Europeos

Cofinanciado pola Unión Europea

Atención sociosanitaria nos Centros de Estancia Temporal de Inmigrantes de Ceuta e Melilla cofinanciadas polo FAMI e o FSE, 2019

Resolución da convocatoria

Extracto da resolución do 1 de abril de 2019 da Dirección Xeral de Integración e Atención Humanitaria pola que se convocan subvencións na área de protección internacional e para a atención sociosanitaria nos Centros de Estancia Temporal de Inmigrantes de Ceuta e Melilla.

Resolución do 1 de abril de 2019 da Dirección Xeral de Integración e Atención Humanitaria pola que se convocan subvencións na área de protección internacional e para a atención sociosanitaria nos Centros de Estancia Temporal de Inmigrantes de Ceuta e Melilla.

Enlace á BDNS

Obxecto das subvencións

O obxecto destas subvencións será a realización de proxectos que favorezan a acollida e integración das persoas solicitantes e beneficiarias de protección internacional, do estatuto de apátrida e das persoas acollidas ao réxime de protección temporal en España. Así mesmo, desenvolveranse proxectos de atención sociosanitaria dirixidos aos residentes nos CETI de Ceuta e Melilla. Existen cinco prioridades distintas, nas condicións e cos requisitos que se recollen na Resolución de Convocatoria. Cada entidade unicamente poderá presentar na súa solicitude un proxecto por cada prioridade, salvo no caso da prioridade III, na que se poderá presentar un proxecto por cada tipo:

    • Prioridade I. Proxectos dirixidos á creación e mantemento de dispositivos de acollida e o desenvolvemento de itinerarios de integración para persoas solicitantes e beneficiarias de protección internacional, solicitantes e beneficiarias do estatuto de apátrida, persoas acollidas ao réxime de protección temporal en España.

    • Prioridade II. Proxectos que faciliten a atención sociasanitaria nos Centros de Estancia Temporal de Inmigrantes (CETI) de Ceuta e Melilla.
    • Prioridade III. Proxectos dirixidos á sensibilización, formación de profesionais e acollida de grupo específicos. Tipos de proxectos:
      1. Proxectos dirixidos a favorecer o coñecemento sobre as persoas solicitantes de asilo e beneficiarias de protección internacional, así como á sensibilización da sociedade de acollida.
      2. Proxectos de formación e perfeccionamento de profesionais e persoas voluntarias que desenvolvan a súa actividade no marco das prioridades I, III.3 e V desta convocatoria, así como outros axentes implicados.
      3. Proxectos dirixidos á creación ou mantemento de recursos específicos para a atención integral de grupos vulnerables.
    • Prioridade IV. Proxectos de equipamento e adaptación de inmobles. O obxecto destes proxectos é o apoio á adquisición de recursos materiais adecuados para o funcionamento ou a adaptación dos dispositivos de acollida das entidades, das oficinas necesarias para a xestión dos mencionados dispositivos e das oficinas onde se prestan as actuacións dirixidas ás persoas solicitantes e beneficiarias de protección internacional previstas no Sistema de acollida e integración

    • Prioridade V. Proxectos de emprego. O obxecto desta prioridade é desenvolver itinerarios integrados de inserción laboral individualizados destinados a persoas solicitantes e beneficiarias de protección internacional, do estatuto de apátrida e de protección temporal, así como impulsar a igualdade de oportunidades entre homes e mulleres, evitar a produción no ámbito laboral de condutas xenófobas e fomentar a diversidade no ámbito empresarial.

Entidades beneficiarias

  • Entidades ou organizacións non gobernamentais que reúnan os seguintes requisitos:
    1. Ter como fins institucionais primordiais a realización de actividades a favor dos seguintes colectivos: inmigrantes, solicitantes e beneficiarios de protección internacional, apatridia e protección temporal.
    2. Carecer de fins de lucro.
    3. Ter ámbito de actuación estatal, segundo título constitutivo, excepto aquelas organizacións cuxo ámbito territorial de actuación sexa Ceuta e Melilla.
    4. Deberán estar legalmente constituídas e debidamente inscritas no correspondente rexistro administrativo estatal.
    5. Dispoñer da estrutura e capacidade suficiente para garantir o cumprimento dos obxectivos, acreditando a experiencia operativa necesaria.
    6. Non ter reintegrado máis do 40 por cento das axudas e subvencións recibidas en calquera das últimas cinco convocatorias como resultado dun procedemento de reintegro.
  • Organismos internacionais que teñan sede permanente no Estado español e cumpran os requisitos a) , b) , e) e f) do punto anterior.

Prazo de execución

  • O período de execución dos proxectos subvencionados a través das prioridades I, II, IV e V poderá estenderse desde o 1 de xaneiro de 2019 ao 31 de decembro de 2020.
  • O período de execución dos proxectos subvencionados a través da prioridade III poderá estenderse desde o 1 de xaneiro de 2020 ata o 31 de decembro de 2020.
  • Non obstante, cando se trate de proxectos de continuidade, o prazo de execución poderá estenderse desde a data de finalización da execución real do proxecto subvencionado na convocatoria anterior ata o 31 de decembro de 2020 nos termos previstos na Orde ESS/1423/2012, do 29 de xuño.
  • No caso dos gastos por indemnización por finalización de contrato do persoal vinculado a proxectos de continuidade das prioridades I, III.3 e V, o período de elixibilidade poderá estenderse desde o 15 de xullo de 2015 ata o 31 de decembro de 2020. Terase en conta o período e porcentaxe de imputación aos ditos proxectos para o cálculo das contías.

Bases reguladoras da convocatoria

  • Orde ESS/1423/2012, do 29 de xuño, pola que se establecen as bases reguladoras para a concesión de subvencións na área de integración dos inmigrantes, solicitantes e beneficiarios de protección internacional, apatridia e protección temporal.

Formularios

Aquí poderanse atopar todos os documentos necesarios para cumprimentar a solicitude, a tramitación e a xustificación da de subvención.