El Ingreso Mínimo Vital alcanza a 509.574 hogares y a más de 1,4 millones de personas

O Ingreso Mínimo Vital (IMV) chegou, con datos acumulados a peche da nómina de setembro, a 509.574 fogares e a un total de 1.406.850 persoas desde a súa posta en marcha en xuño de 2020. Son datos do Instituto Nacional da Seguridade Social, que o Ministerio de Inclusión, Seguridade Social e Migracións publicará con regularidade a partir deste mes de outubro e que desagregan o conxunto de fogares, por tipo, número de titulares e beneficiarios da prestación por sexo, Comunidade Autónoma e provincia.

Estas cifras acumuladas mostran que dous de cada tres titulares da prestación son mulleres (338.982, fronte a 170.592 homes) , e en total a prestación chegou a máis mulleres (767.709) que a homes (638.881). Un 42,4 % dos beneficiarios son menores (597.179).
Por tipo de fogar, son maioría aqueles nos que polo menos un menor figura entre os beneficiarios (o 64,2 % do total, 327.398 fogares) e son xa 272.913 prestacións as que reciben o Complemento de Axuda á Infancia, unha axuda de 100 euros por fogar ao mes no caso de nenos de 0 a 3 anos; de 70 euros ao mes por cada neno entre 3 e 6 anos e de 50 euros ao mes por cada menor de entre 6 e 18 anos que entrou en vigor o pasado 1 de xaneiro.
O IMV é unha prestación viva. O pasado 27 de setembro, o Consello de Ministros aprobou o ‘Real Decreto polo que se regula a compatibilidade do Ingreso Mínimo Vital cos ingresos procedentes de rendas do traballo ou da actividade económica por conta propia co fin de mellorar as oportunidades reais de inclusión social e laboral das persoas beneficiarias da prestación’, que incentivará aos perceptores a conseguir emprego ou- no caso de xa traballadas- a aumentar o número de horas traballadas garantindo que a súa renda será sempre superior á que terían se non desen ese paso.

Máis datos no Excel adxunto