El Gobierno aprueba la concesión de un préstamo de 6.981,6 millones de euros a la Seguridad Social

O Goberno aprobou hoxe na reunión do Consello de Ministros a concesión dun préstamo do Estado á Tesouraría Xeral da Seguridade Social por importe de 6.981, 6 millóns de euros, co obxectivo de proporcionar cobertura adecuada ás obrigas da Seguridade Social.

Así estaba establecido na disposición adicional terceira da Lei 22/2021, dos Orzamentos Xerais do Estado para 2022. Trátase dun préstamo sen devengo de xuros.

A Seguridade Social finánciase con cargo aos recursos do sistema, principalmente cotizacións de traballadores e empresas.

Nos meses de xuño e novembro, a Seguridade Social aboa conxuntamente a nómina ordinaria e extraordinaria das pensións, un desembolso que supera os 21.000 millóns de euros. Como nos últimos anos, a concesión do préstamo realizada hoxe asegura o pagamento puntual das pensións e permite á Seguridade Social planificar con suficiente antelación a disposición dos recursos necesarios para facer fronte a estes desembolsos extraordinarios.

A mellora da situación financeira da Seguridade Social propiciou que, por primeira vez desde que empezaron os préstamos ao sistema tras a crise financeira, o importe anual deste fose inferior aos 10.000 millóns de euros e só requirise un libramento, no canto dos dous habituais, coincidindo co aboamento das dúas pagas extraordinarias. Neste sentido, o préstamo de 2021, tamén consignado na Lei de Orzamentos Xerais, ascendeu a 13.830 millóns de euros.