25. orria - Bizileku- eta lan-baimena migrazio egonkorrerako (Kontratazioen kudeaketa kolektiboa jatorrian, GECCO 2025)

* Orri honen edukia gutxi gorabeherakoa da. Eskaera aurkezteko unean indarrean dagoen araudian ezarritakoa baino ez da aplikatuko. 

Azken eguneratzea: 2025(e)ko maiatza

Edukien aurkibidea 

  • Baimen-mota
  • Oinarrizko araudia
  • Baldintzak
  • Eskatu beharreko agiriak
  • Prozedura

BAIMEN-MOTA 

Aldi baterako bizileku- eta lan-baimen bat da , aukera ematen duena langileak jatorrian kolektiboki kontratatzeko, bizileku-baimenak eta besteren konturako lan-baimenak aldi berean kudeatuz, aldizkako kontratu finkoen xede izan behar ez duten lanpostu egonkorrak betetzeko. Baimen honen iraupena urtebetekoa da.

OINARRIZKO ARAUDIA 

  • 4/2000 Lege Organikoa, urtarrilaren 11koa, atzerritarrek Espainian dituzten eskubide eta askatasunei eta atzerritar horiek gizarteratzeari buruzkoa (39. artikulua).
  • 1155/2024 Errege Dekretua, azaroaren 19koa, Atzerritarrek Espainian dituzten eskubide eta askatasunei eta haien gizarteratzeari buruzko urtarrilaren 11ko 4/2000 Lege Organikoaren Erregelamendua onartzen duena (113. artikulutik 123. artikulura).
  • ISM/1488/2024 Agindua, abenduaren 27koa, Jatorrian bertan egiten diren kontratazioen kudeaketa kolektiboa arautzen duena 2025erako.

BALDINTZAK 

  • Langileak: 
  • Espainian ez egotea eta ez bizitzea. 
  • Europar Batasuneko estatu bateko, Europako Esparru Ekonomikoko estatu bateko edo Suitzako herritarra ez izatea, edo Europar Batasuneko herritarraren erregimena aplikatu behar zaien herrialde horietako herritarren senidea ez izatea.
  • Aurrekari penalik ez izatea Espainian eta azken bost urteetan bizi izan den herrialdeetan, Espainiako ordenamenduan dauden delituengatik.  
  • Espainiarekin horretarako hitzarmena sinatuta duten herrialdeetako lurralde-eremuan baztergarri gisa ez agertzea.
  • Jatorrizko herrialdera borondatez itzultzean atzerritarrak bere gain hartu duen Espainiara ez itzultzeko konpromiso-epearen barruan ez egotea, hala badagokio.
  • Ordena publikoarentzat, segurtasunarentzat edo osasun publikoarentzat mehatxu ez izatea. 
  • Jatorrian kontratazioen kudeaketa kolektiboa arautzen duen Aginduak atzerriko langilearen kontratazioa ahalbidetzea.
  • Osasun publikoan ondorio larriak izan ditzaketen gaixotasunik ez izatea, 2005eko Nazioarteko Osasun Erregelamenduan xedatutakoaren arabera.
  • Dagokion bisa izatea.  
  • Enplegatzaileak: 
  • Langileak eta enplegatzaileak berak sinatutako lan-kontratu bat aurkeztea, non ezarriko baita langileak jarduera jarraitu bat izango duela baimenaren indarraldian.  

Lan-kontratua sinatu aurretik, haren kopia bat ere eman beharko dute, langileak ulertzen duen hizkuntza batera itzulita.

  • Kontratazioaren jatorriko herrialdetik Espainiara etortzeko bidaiaren kostua bere gain hartzea, baita helmugaren eta ostatuaren arteko joan-etorriena ere.
  • Osasun-agintari eskudunak lanpostuan, mugako kontrolean edo tarteko joan-etorrietan ezartzen dituen osasun-kontroleko neurriak eta baldintzak betetzea, eta horien kostua bere gain hartzea.
  • Enplegatzaileek nahitaez bete behar dituzten plan edo protokoloetan jasotako neurriak edukitzea, berdintasunaren arloan, sexu-jazarpenaren eta sexuan oinarritutako jazarpenaren prebentzioaren arloan eta beste arlo batzuetan indarrean dagoen araudiarekin bat.
  • Zerga-betebeharrak eta Gizarte Segurantzarekikoak egunean izatea. 
  • Enpresa-proiekturako eta kontratuan langilearen aurrean hartutako betebeharrei aurre egiteko baliabide ekonomiko, material edo pertsonal nahikoak izatea.
  • Langilearen eskura ostatu egoki bat jartzea, indarrean dagoen araudian eta osasun-gomendioetan ezarritako baldintzak betetzen dituena, eta, betiere, ostatuaren bizigarritasuna eta higiene egokia bermatuta.
  • Prozeduraren tramitazioari dagokion tasa ordaintzea.

ESKATU BEHARREKO AGIRIAK 

Oharra: oro har, dokumentuen kopiak aurkeztu eta jatorrizkoak erakutsi beharko dira eskaera aurkeztean. 

  • Eskaintza kudeatzeko eskabide-orria: III. eranskina (A) eskaintza kudeatzeko eskaerarako, III. eranskina (B) eskaintza orokorretarako eta III. eranskina (C) eskaintza izendunetarako.
  • Baimena eskatzen duen enpresa identifikatzeko dokumentazioa:
  • Enpresaburu indibiduala bada: IFZren edo AIZren kopia, edo Nortasun eta Bizileku Datuak Egiaztatzeko Sistemaren bidez nortasun-datuak egiaztatzeko baimena.
  • Pertsona juridikoa bada, S.L. Kooperatiba, etab. ):  
  • Enpresaren IFZren kopia eta dagokion Erregistroan behar bezala inskribatutako eraketa eskrituraren kopia.
  • Baimen-eskaeraren sinatzaileak enpresaren legezko ordezkaritza duela egiaztatzen duen agiri publikoaren kopia.
  • IFZ edo AIZaren kopia edo eskaera sinatzen duenaren Nortasun eta Bizileku Datuak Egiaztatzeko Sistemaren bidez nortasun-datuak egiaztatzeko baimena.
  • Enplegu Zerbitzu Publikoen ziurtagiria, aurkeztutako eskaintzarako hautagairik ez duela adierazten duena.
  • Lan-kontratuaren kopia, ezarritako eredu ofizialean.
  • Enplegatzaileak bere enpresa-proiekturako eta kontratutik eratorritako betebeharrei aurre egiteko behar adina baliabide ekonomiko, material edo pertsonal dituela egiaztatzen duen dokumentazioa.
  • Lan-eskaintza justifikatzen duen memoria , adieraziz ea proposatzen den aurretiazko prestakuntza-ekintzarik egitea kontratazioaren jatorriko herrialdean edo Espainian.
  • Bidaiak antolatzearen eta lehenengo bidaiaren kostua bere gain hartzearen egiaztagiriak, baita Espainiako sarbidearen eta ostatuaren arteko joan-etorriena ere.
  • Enpresak egiaztatzea langileari lan-kontratua sinatzearen ondoriozko eskubide eta betebeharren berri eman diola. 
  • Osasun-laguntzako aseguru bat edukitzea edo eskatu izana frogatzen duen agiria.

Ohar garrantzitsua: beste herrialde batzuetako agiriak aurkezten direnean, zinpeko itzultzaile batek eskabidea aurkezten duen lurraldeko gaztelaniara edo hizkuntza koofizialera itzulita egon beharko dute.  

Zinpeko itzultzaileen zerrenda. 

Bestalde, atzerriko dokumentu publiko oro aldez aurretik legeztatu beharko du dokumentu hori eman den herrialdean jurisdikzioa duen Espainiako Bulego Kontsularrak edo, hala badagokio, Kanpo Arazoetako, Europar Batasuneko eta Lankidetzako Ministerioak, salbu dokumentu hori 1961eko urriaren 5eko Hagako Hitzarmenaren arabera herrialde jaulkitzaileko agintari eskudunak apostillatu badu eta dokumentu hori nazioarteko hitzarmenaren arabera legeztatzetik salbuetsita badago.

Dokumentuak itzuli eta legeztatzeari buruzko informazioa. 

PROZEDURA 

  • Eskaera aurkezteko legitimatutako subjektua: enplegu-emailea, zuzenean, edo, aldi baterako laneko enpresak ez badira betiere, haren legezko ordezkaritza baliodunak, enpresaburuen elkarteak izan ahalko direnak.

Legitimatutako subjektuei buruzko informazio-orria. 

  • Aurkezteko lekua:  
  • Telematikoki, Lan eta Immigrazio Sailaren edo bulegoen aurrean edo lan egin behar den probintziaren eskumena delegatuta duten Atzerritarren Bulegoen aurrean, hura izango baita prozedura izapidetzeko organo eskuduna.  

Jendeari harrera egiteko helbideari, telefonoei eta ordutegiei buruzko informazioa. 

Ordainketa egiteko inprimakia orrialde hau.  

Atzerritarraren nortasun-txartelaren eskaeran aurkeztu beharreko dokumentazioa honako esteka honetan kontsulta daiteke:

https://sede.administracionespublicas.gob.es/procedimientos/index/categoria/34 

  • Aurkezteko epea: aurreikusitako lan-jarduera hasi baino gutxienez hiru hilabete lehenago aurkeztu beharko da.
    • Gutxieneko lanpostu-kopurua: enplegu-eskaintzetan gutxienez bost lanpostu agertu behar dira.
    • Atzerrian lan egiten duten langileen hautaketa: Migrazio Kudeaketako Zuzendaritza Nagusiak, espedientea baloratu ondoren, eta Atzerrian dauden Espainiarren eta Kontsul Gaien Zuzendaritza Nagusiaren bidez (Kanpo Arazoetako, Europar Batasuneko eta Lankidetzako Ministerioa), zeinak Ordezkaritza Diplomatikoari edo Bulego Kontsularrari jakinaraziko baitizkio, 5 egun balioduneko epean, langileak hautatzeko data, metodologia eta lekua erabaki ditzan preseskatzeaz arduratzen den organoari igorriko dizkio eskaintzak.
    • Hautaketa-batzordea honako hauek osatuko dute: Migrazioen Kudeaketarako Zuzendaritza Nagusiko eta/edo dagokion Misio Diplomatikoko Lan Kontseilaritzako ordezkariek, jatorrizko herrialdeko organo eskudunek eta, enplegatzailearen aukeran, horien ordezkariek edo enpresa-erakundeek.
    • Tasak: hautatutako langileen zerrenda eskuratu eta hamar egun balioduneko epean sorraraziko dira, baldin eta baimena sei hilabetekoa edo luzeagoa bada:
    • 790 eredua, 052 kodea, 2.1.3 epigrafea, “Aldi baterako bizilekuaren eta besteren edo norberaren konturako lanaren hasierako baimena”: langile atzerritarrak ordaindu beharrekoa. 
    • 790 eredua, 062 kodea, 3.4.1 epigrafea, “Hasierako lanerako baimena, sasoiko jardueretarako lana”: enplegatzaileak ordaindu beharrekoa, baldin eta lan baimena sei hilabetekoa edo luzeagoa bada.
    • Baimena emateko ebazpena jakinarazten denetik bi hilabeteko epean, langileak edo, haren izenean, enplegatzaileak, enpresa-erakundeak edo egiaztatutako ordezkariek langile guztien bisatu-eskaerak aurkeztu beharko dituzte Misio Diplomatiko edo Bulego Kontsular eskudunean, batera, ezarritako tasak ordaindu ondoren, eta honako dokumentazio honekin batera:
    • Nazio bisa eskatzeko inprimaki ofiziala , interesdunak edo bere ordezkariak sinatua.
    • Argazki berri bat koloretan, hondo zurian eta karnet tamainan.
    • Pasaporte arrunta edo bidaia-titulua, Espainian baliozkotzat onartua, gutxienez urtebeteko indarraldia duena.
    • Aurrekari penalen ziurtagiria, Espainiako ordenamenduan dauden delituengatik, jatorrizko herrialdeko edo azken bost urteetan bizi izan den herrialdeko edo herrialdeetako agintariek emana.
    • Mediku-ziurtagiria 
    • Aldi baterako bizileku eta lan baimena emateko ebazpena .
    • Bi aldeek sinatutako kontratua
    • Eskabidea ordezkari baten bitartez aurkeztuz gero, ordezkaritza hori egiaztatzen duen agiria. 
    • Eskatu beharreko gainerako tasen bisatu-tasaren ordainketa eta ordainketaren frogagiria .
    • Bisa gehienez ere bost egun balioduneko epean emango da.  
    • Langilea Espainian sartzen denetik hilabeteko epean, alta eman beharko zaio Gizarte Segurantzaren dagokion araubidean.