Etorkinak Gizarteratzeko Foroak eginkizun hauek ditu:

• Etorkinak eta errefuxiatuak Espainiako gizartean integratzeko proposamenak eta gomendioak egitea.

• Estatuko Administrazio Orokorrak, autonomia-erkidegoetako administrazioek eta toki-administrazioek etorkinen gizarteratzearen arloan gauzatzen dituzten programa eta jarduerei buruzko informazioa jasotzea.

• Immigrazioaren arloan diharduten gizarte-erakundeen proposamenak biltzea eta bideratzea, etorkinen eta harrera-gizartearen arteko bizikidetza egokia errazteko.

• Egindako lanei eta jarduerei buruzko urteko memoria egitea.

• Etorkinen eta errefuxiatuen gizarteratze-egoerari buruzko urteko txostena egitea.

• Etorkinen gizarteratzeari eragin diezaioketen proposamen, plan eta programei buruzko txostenak egitea, norberaren ekimenez edo Estatuko Administrazio Orokorreko organo eskudunek hala eskatzen diotenean.

• Etorkinen eta errefuxiatuen gizarteratzearekin zerikusia duten gaiei buruzko azterlanak eta ekimenak sustatzea edo egitea.

• Nazioarteko, autonomia-erkidegoko edo tokiko antzeko beste organo batzuekin lankidetzan aritzea, etorkinen eta errefuxiatuen gizarteratzearen aldeko jarduera guztiak koordinatu eta hobetzeko.

• Etorkinen gizarteratzeari eragiten dioten Estatuko Administrazio Orokorraren arau-proiektuei buruzko nahitaezko txostena egitea, bai eta gai horrekin zerikusia duten estatu-mailako plan eta programei buruzkoa ere, onartu aurretik.

• Legez ezarritako etorkinak Espainiako gizartean integratzeko beharrezkotzat jotzen diren beste jarduera guztiak, bai eta indarrean dauden xedapenek esleitzen dioten beste edozein eginkizun ere.