La Seguridad Social tramitó 473.720 permisos por nacimiento y cuidado de menor en 2022

Gizarte Segurantzak 473.720 prestazio izapidetu zituen 2022an adingabea jaio eta zaintzeagatik , hau da, % 0,4ko gehikuntza 2021eko aldi beraren aldean. Guztira, 224.359 lehen gurasoarenak izan dira, normalean amarenak, eta 249.361 bigarren gurasoarenak, normalean aitarenak.

Prestazio horri lotutako gastua, 2022ko urtarriletik abendura, 3.260,2 milioi eurokoa izan da. 2021ean, kopuru hori 3.010,6 milioikoa izan zen, hau da, % 8,3ko hazkundea izan zuen.

Jaiotza eta adingabearen zaintzagatiko prestazioak amatasun eta aitatasun prestazio zaharrak ordezkatu zituen 2021eko urtarrilaren 1ean indarrean jarri zenean eta bien arteko erabateko parekatzea ekarri du. Gaur egun, baimena 16 astekoa da bi gurasoentzat, eta eskubide indibidual eta besterenezin gisa aitortzen da. 16 aste horietatik, sei erditu edo ebazpen judiziala edo administratiboa eman eta berehala hartu behar dira, adopzio, zaintza edo harrera kasuetan. Gainerako denbora ondoz ondoko aldietan har daiteke, astebetekoak gutxienez.

Prestazio horien zenbatekoa erditu, adoptatu, zaindu edo hartu aurreko hileko kotizazio-oinarriaren baliokidea da, eta Gizarte Segurantzako Institutu Nazionalak (GSIN) ordaintzen du zuzenean, baimenak irauten duen asteetan.

Autonomia erkidegoka, jaiotza eta adingabearen zaintzagatiko prestazio kopuru handiena Andaluzian (86.106), Katalunian (84.287), Madrilen (78.134) eta Valentziako Erkidegoan (48.372) aitortu da.

Jaiotzagatiko prestazioa telematikoki eskatzeko aukera ematen du Gizarte Segurantzako Institutu Nazionalak, Zure Gizarte Segurantza atariaren bidez (https://sede.seg-social.gob.es/ https://sede-tu.seg-social.gob.es/ eta https://tramites.seg-social.es/acceso/prestacion-nacimiento-cuidado-menor.html inprimakiaren bidez.

Jaiotza edo adingabearen zaintzagatiko atsedenaldi jarraituak ere telematikoki eska daitezke, gurasoek aldia zatitzea aukeratzen badute.

Seme-alaba, etxean hartutako adingabea edo familiakoa zaintzeko eszedentziak

Bestalde, 2022an alta emandako eszedentzien kopurua 47.455 izan zen; horietatik 33.290 emakumeenak izan ziren, %70,2, eta 14.165 gizonezkoenak, hau da, %29,8.

Eszedentzien kopurua, batez beste, %1 murriztu da 2021eko ekitaldiko epe berarekin alderatuta.

Madril (9.822), Katalunia (7.322), Andaluzia (5.279), Valentziako Erkidegoa (4.866) eta Euskal Autonomia Erkidegoa (4.752) eta Valentziako Erkidegoa (4.866) dira izapidetutako eszedentzia gehien dituzten autonomia-erkidegoak.

Aurreko urtearekin alderatuta eszedentziak gehien igo diren erkidegoak Kanariar Uharteak (%9,7), Valentziako Erkidegoa (%7,1), Asturias (%5,3) eta bi hiri autonomoak dira (Melilla, %41,7 eta Ceuta, %7,41). Aldiz, jaitsiera handienak EAEn (- %15,3), Galizian (- %9,4) eta Kantabrian (- %7,1) izan dira.

Langileek eszedentzia eska dezakete seme-alabak edo etxean hartutako adingabeak zaintzeko edo beste senide batzuk zaintzeko. Seme-alaba bat edo hartutako adingabe bat zaintzeko eszedentziaren lehenengo hiru urteak kotizazio-aldi eraginkortzat hartuko dira, Gizarte Segurantzaren prestazioen ondorioetarako, erretiroagatik, ezintasun iraunkorragatik, heriotzagatik eta biziraupenagatik, amatasunagatik eta aitatasunagatik. Halaber, benetan kotizatutzat joko da, prestazio horien ondorioetarako, beste senide batzuk zaintzeko eszedentziako lehenengo urtea.

Excel dokumentu bat erantsi dugu, CC.AA-k emandako datuekin.