La Seguridad Social suma 129.000 afiliados en abril y cierra el cuatrimestre con una creación de 420.000 empleos

Gizarte Segurantzan afiliatutakoen kopurua 128.824 pertsonatan igo da apirilean, urtaro-eraginik gabe, eta 20,6 milioitik (20.661.195) gora egin du lehen aldiz. Erregistrorik egin zenetik, apirilik onena izan da, eta 420.301 landun batu dituen lauhilekoa itxi du; horrek ere, serie historikoaren urte hasierarik onena ekarri du.

Egungo mailak ia 1,2 milioi pertsonatan gainditzen du pandemia hasi aurretik (2020ko otsaila) zegoen afiliatu kopurua.

Jarduera berritzaileetan enpleguaren dinamismoari eusten zaio

Enpleguaren hazkundea, pandemiaren aurreko mailarekin alderatuta, nabarmena da balio erantsi handiko sektoreetan, hala nola Informatikan eta Telekomunikazioetan, zeinen afiliatu-kopurua % 21,6 hazi baita pandemiaren aurretik erregistratutakoekin alderatuta, edo Jarduera Profesional, Zientifiko eta Teknikoetan, zeinak % 12,8ko hazkundea izan baitu. Pandemia amaitu zenetik, lau afiliatu berritik bat sartu da oso produktiboak diren sektore horietan.

Autonomia-erkidego guztiek pandemiaren aurretik zituztenak baino enplegu-maila handiagoak dituzte. Aipagarria da afiliazioak gora egin duela herrialdearen hegoaldean eta artxipelagoetan, enpleguak %6,4 baino gehiago egin baitu gora.

%86, mugagabeko enpleguarekin

Lan-erreforma indarrean sartu eta hamasei hilabetera, nabariak dira oraindik ere enpleguaren egonkortasunean eta haren kalitatearen hobekuntzan dituen ondorio positiboak.

Apirilean, aldi baterako kontratua duten afiliatuen portzentajea minimo historikoan mantendu da, %14an, erreforma aurretik erregistratzen zenaren erdia baino gutxiago (%30).

30 urtetik beherakoen kasuan, erreforma aurretik zuen mailarekiko 32 puntu jaitsi da behin-behinekotasuna, %53tik %21era pasatuz.

Orotara, 2021eko abenduan –erreforma indarrean sartu aurreko azken hilabetean– baino ia 2,9 milioi afiliatu gehiago daude orain kontratu mugagabearekin.

Egonkortasunaren igoeraren beste adierazle bat baja eragin duten kontratuen batez besteko iraupenaren igoera da. Aurtengo urtarriletik apirilera, 62 egunetan egin du gora 2019ko epealdi bereko zifrekin alderatuta, pandemiaren eraginaren aurreko azken urte homologagarria.

2022ko lehen hiruhilekoan aldi baterako kontratua zuten eta altan jarraitzen duten 4,1 milioi afiliatuetatik %53 mugagabeak dira 2023ko apirilean; hau da, 2,2 milioi. Gehienak, 1,8 milioi, mugagabe arruntak dira, eta 394.000, aldizkako finkoak. Hona hemen denborale gehien finko bihurtu diren sektoreak: Ibilgailuen Merkataritza eta Konponketa, Ostalaritza, Eraikuntza eta Manufakturen industria.

Bestalde, lan-erregulazioko espedientean dauden langileen kopurua gutxieneko mailetan mantentzen da, 13.000 inguruan, eta afiliatu guztien %0,1 dira.

Batez besteko afiliazioa

Azkenik, termino originaletan, Gizarte Segurantzako batez besteko afiliazioak 238.436 afiliatu irabazi ditu apirilean, hau da, %1,17ko hilabete arteko igoera izan du. Apirileko batez besteko afiliatuen igoerarik handiena da, eta bigarren handiena, termino absolutuetan, serie osoan (altuena 2005eko uztailekoa da).

Batez besteko afiliatu kopurua, beraz, 20.614.989koa da (10.888.405 gizonezko eta 9.726.584 emakumezko), hau da, serieko kopururik altuena. Duela urtebete baino 595.908 afiliatu gehiago dira, hau da, ia %3ko hazkundea izan dute urte batetik bestera.

Informazio osagarria Excel-en eta webgunean:

https://w6.seg-social.es/PXWeb/pxweb/es