La Seguridad Social registra 551.000 afiliados más en el último año y se sitúa en niveles históricos por encima de los 20,9 millones en febrero

Gizarte Segurantzak 20.954.785 langile afiliatu erregistratu ditu otsailean, urtarokotasuna eta egutegi efektua kenduta. Serie historikoko daturik onena da, azken urtean 551.359 langile batu ondoren, pandemiaren aurreko urteetan –2015etik 2019ra– sortutako enpleguaren batez bestekoaren ildotik. Afiliazioa ia 1,6 milioi langile hazi da pandemia baino lehenagotik.

Aurreko hilabetearekin alderatuta, 73.492 afiliatu gehiago daude Gizarte Segurantzan. Otsaileko hilabete bateko igoerarik handiena da.

Bestalde, batez besteko afiliazio-zifra (jatorrizko seriea) maila historikoetan kokatzen da otsailerako, 20.708.382 afiliaturekin. Urtarrilean baino 103.621 landun gehiago dira, 2007tik otsail batean izan den igoerarik handiena. Batez besteko afiliazioaren urte arteko hazkundea %2,7koa izan da, duela urtebete baino 538.239 langile gehiagorekin.

Araubide orokorrean, honako sektore hauek hazi dira gehien hilean: Ostalaritza (29.230 afiliatu gehiago), Hezkuntza (28.941 gehiago), Eraikuntza (18.189 gehiago) eta Manufaktura-industria (13.130 gehiago). Aldiz, afiliatu gehien galtzen dituzten jarduerak Osasun Jarduerak eta Gizarte Zerbitzuak eta Merkataritza dira, 10.252 eta 9.590 afiliatu gutxiagorekin, hurrenez hurren.

“Otsailean, berriz ere maila historikoki altuak erregistratu genituen, aurreko hilabeteetan baino are dinamismo handiagoarekin, eta ikusten dugu lan erreformak ekarri duen egiturazko aldaketa”, adierazi du Elma Saiz Inklusio, Gizarte Segurantza eta Migrazio ministroak. “Lan merkatuan genero arrakala murrizteko urratsak ematen jarraitzen dugu. Emakumeek enpleguen %47,3 betetzen dute eta probintzien %40an ehuneko hori are handiagoa da”, gaineratu du.

Eguneroko seriean, afiliazioa 20,7 milioitik gorakoa izan zen otsailaren 13tik 28ra bitartean.

Enpleguaren hazkunde handiagoa beste ekonomia handiek baino

Pandemiaren aurreko mailarekin alderatuta (2019ko abendua), afiliazioa ia 1,6 milioi pertsonatan hazi da, desestazionalizatutako terminoetan. Gainera, pandemiaren aurreko mailarekin alderatuta, Espainian sortutako enpleguak (+% 8,1) Europako herrialde handietakoak baino handiagoak dira (Frantzia, +% 5; Italia, +% 2,9; Alemania, +% 1,4). Enpleguaren igoera ere herrialde horietan baino nabarmenagoa da Ukrainako gerra hasi zenetik: Espainian %5,9 hazi da, eta Frantzian eta Alemanian %2tik beherako hazkundeak izan dira.

Emakumezkoen enpleguaren errekor historiko berria

Enpleguaren martxa ona nabarmenagoa da emakumeen artean. Otsailean 9.787.193 afiliatu erregistratu dira, 2023ko hilabete berean baino 300.623 gehiago, hau da, azken urtean sortutako enpleguaren erdia baino gehiago emakumeei dagokie (%54,52). 
 

Gaur egun, emakumeak langile guztien %47,3 dira, historikoki maila altuak mantenduz. Probintzien %40an tasa hori are handiagoa da.

Pandemiaren aurreko mailatik, emakumeen afiliazioak % 11,8 egin du gora; gizonezkoen okupazioak, berriz, % 7,7 egin du gora, eta Langile Autonomoen Erregimen Bereziak, % 6,2 (gizonezkoen artean, % 1,1 egin du gora).

Emakumeen arteko okupazioaren hobekuntza ere islatzen da haien kotizazio oinarrietan: %16 igo dira, hau da, gizonezkoenak baino 2,8 puntu gehiago, %13,2 hazi baitira pandemiaren aurreko mailarekin alderatuta.

Enpleguak kontratu-motaren arabera izan duen bilakaera aztertuz gero, nabarmentzekoa da, halaber, emakumeen artean enplegu mugagabeak izan duen gorakada, azken urtean % 5,7koa izan baita, gizonezkoena baino handiagoa (% 4,9koa).

Halaber, gazteen enplegua batez bestekoaren gainetik hazi da. Pandemiaren aurreko mailatik, 30 urtetik beherakoen Gizarte Segurantzako afiliazioa %14,8 igo da, hau da, batez besteko igoera baino ehuneko 5,2 puntu gehiago.

Balio erantsi handia

Afiliazioaren hazkundea, pandemiaren aurreko mailarekin alderatuta, bereziki handia da balio erantsi handiko sektoreetan, hala nola Informatikan eta Telekomunikazioetan, zeinen afiliatu-kopurua % 26,3 hazi baita, eta Jarduera Profesional, Zientifiko eta Teknikoetan, % 16,6. Pandemia amaitu zenetik, bost afiliatu berritik bat baino gehiago (329.000, termino absolutuetan) sartu da oso produktiboak diren bi sektore horietan.

3,1 milioi afiliatu berri mugagabe baino gehiago eta gutxieneko behin-behinekotasuna

Lan-erreforma indarrean sartu eta bi urtera, haren eragin positiboak areagotu egiten dira enplegua egonkortzeko eta kalitatea hobetzeko. Orotara, 2021eko abenduan –erreforma indarrean sartu aurreko azken hilabetean– baino 3,1 milioi afiliatu gehiago (3.176.998) daude orain kontratu mugagabearekin.

Gainera, otsailean, kontratu mugagabea duten afiliatuen portzentajea %87,3koa da (inoizko handiena), eta 17,3 puntu hazi da lan-erreformaz geroztik. Horrela, behin-behinekotasun tasa minimo historikoetan kokatzen da (%12,7). 30 urtetik beherakoen kasuan, behin-behinekotasun mailaren murrizketa handiagoa da, erreforma aurretik zuen mailarekiko ehuneko 33,6 puntutan jaitsiz (%53tik %19,4ra). 

 

Lan-erreformaren eraginak azken urtean lanaldi osoko kontratu mugagabeak dituzten afiliatuen bilakaeran ere nabaritzen dira, intentsitate handiagoarekin hazi baitira (% 5,2 urte artean, 467.034 gehiago) lanaldi partzialekoak baino (% 5,1, 117.628); aldiz, aldizkako langile finkoek behera egin dute (-% 0,2, hots, -1.419).

Azkenik, aldi baterako enplegu-erregulazioko espedientean dauden langileen kopurua minimoetan mantentzen da, 11.000 inguruan, hau da, afiliatu guztien %0,1 baino gutxiago.

Informazio gehiago Excel-en eta web orrian:
https://w6.seg-social.es/PXWeb/pxweb/es