La ministra Elma Saiz visita la Oficina de Movilidad Segura de Bogotá, clave para el reasentamiento de personas refugiadas

Bogotako (Kolonbia) Mugikortasun Segururako Bulegoa bisitatu du Elma Saiz Espainiako Inklusio, Gizarte Segurantza eta Migrazio ministroak. Errefuxiatuentzako NBEren Agentziak (ACNUR), Migrazioetarako Nazioarteko Erakundearekin (OIM) batera, koordinatutako Estatu Batuetako eta Kolonbiako Gobernuaren ekimen horren helburua da bereziki kalteberak diren errefuxiatuak edo migratzaileak berriro finkatzea.

Espainiako, AEBetako eta Kanadako gobernuek hiru aldeko akordioa sinatu zuten, 2023ko maiatzaren 3an, Latinoamerikatik migrazio segurua, ordenatua, erregularra eta printzipio humanitarioetan oinarritutakoa sustatzeko konpromisoan sakontzeko. Mugikortasun Seguruaren Bulegoak biltzen dituen akordio hori Espainiako Gobernuak azken bost urteetan sustatutako politiken parte da. Politika horien helburua gure herrialdera iristen diren migratzaile eta errefuxiatuen enplegagarritasuna eta inklusioa bultzatzea da, batez ere arrazoi politiko edo erlijiosoengatik edo haien eta haien familien osotasuna arriskuan jartzen duten beste arrazoi batzuengatik jazarpena jasaten dutenena.

Ildo horretan, giza eskubideak babesteko giltzarri da Bogotako Mugikortasun Segururako Bulegoa –Saiz ministroa bertan izan da ostegun honetan–. Une honetan Kolonbian, Guatemalan, Ekuadorren eta Costa Rican daude bulegoak.

“Biziki harrotzen nau Bogotako Mugikortasun Seguruaren Bulego honetatik egiten den lan handia eta horrelako ekimenek beren etxeetatik kanpo, beren familietatik urrun, beren bizitzak salbatu eta etorkizun bat bilatzeko asmoz jaurtitzen diren pertsona zaurgarriengan duten eragin positiboa bisitatzeak eta bertatik bertara ikusteak. Haien papera erabakigarria da pertsona migratzaileen eskubideak babesteko, haien egokitzapena eta harrera egingo dien gizartean parte hartzea erraztuz”, adierazi du Saizek.

Mugikortasun Seguruaren Bulegoei esker, Nikaraguako ia 200 pertsona hartu zituen Espainiak abenduan Costa Ricatik. Gainera, berrfinkatzeko bide osagarriei esker –enplegagarritasunean oinarritutakoak, zaurgarritasunaz gain–, pertsona horiek Gaztela eta Leonen kokatutako energia berriztagarrien enpresa batean lan-kontratu batekin iritsi ziren Espainiara, “behar duten pertsonen babesa, estaldura zaileko sektoreetako enplegua eta lurralde-egituraketa uztartzeko moduan”, esan du Saizek.