Barneko informazio-kanala

Arau-hausteei eta ustelkeriaren aurkako borrokari buruzko informazioa ematen duten pertsonen babesa arautzen duen otsailaren 20ko 2/2023 Legean ezarritakoa betez, Inklusio, Gizarte Segurantza eta Migrazio Ministerioak informazioko barne-sistema bat ezarri du.

Sistema horrek lege horren xedea betetzen du, eta aukera ematen die pertsona fisikoei 2. artikuluan aipatzen diren ekintza edo ez-egiteetako bati buruzko informazioa emateko, batez ere EBko zuzenbidearen arau-hausteei eta arau-hauste penal edo administratibo astun edo oso astunei buruzkoa.

Esteka hauetan aurkituko duzu Inklusio, Gizarte Segurantza eta Migrazio Ministerioaren barneko informazio-sistemari buruzko informazio garrantzitsua:

  1. Informazioaren Barne Sistema.
  2. Komunikazioak kudeatzeko prozedura.

Informazio horiek aurkezteko, Sistemak barne-kanal bat du, idatzizko komunikazioa ahalbidetzen duena honako bide hauetatik:

  • Informazioaren konfidentzialtasunaren eta datuen babesaren irizpideak betetzen dituen aplikazio informatiko bat. Atarirako kanpoko esteka honen bidez eskura daiteke. Fitxa berri batean irekiko da.
  • Postaz, honako helbide honetara igorrita:
    Giza Baliabideen eta Zerbitzu Ikuskaritzaren Zuzendariordetza Nagusia (Erref. “Barneko Informazio Kanala” Zerbitzuen Ikuskaritza”), Inklusio, Gizarte Segurantza eta Migrazio Ministerioa, Paseo de la Castellana 63, 28046, Madril.
  • (salbuespen gisa) Posta elektronikoz: canalinterna@inclusion.gob.es.

Halaber, onartuko da, informatzaileak eskatuta, komunikazioa aurrez aurreko bilera baten bidez aurkeztea, gehienez ere zazpi eguneko epearen barruan.

Legeak informazioaren kanpo-kanal bat sortzea eta informatzailea babesteko agintaritza independente bat izendatzea ezartzen du.

Pertsona fisiko orok otsailaren 20ko 2/2023 Legearen aplikazio-eremuan jasotako edozein egite edo ez-egiteren berri eman ahal izango du agintaritza horren aurrean edo kasuan kasuko agintaritza edo organo autonomikoen aurrean, dela zuzenean, dela dagokion barne-kanalaren bidez jakinarazi ondoren.

Kanpoko kanal horretara sartzeko informazioa atari honetan erakutsiko da ezagutu bezain laster.