El Gobierno activa las compensaciones para las víctimas del amianto: un paso histórico para su reparación

O Consello de Ministros, na súa reunión de hoxe, aprobou, por proposta do Ministerio da Inclusión, da Seguranza Social e das Migracións, o procedemento para recoñecer ás vítimas da exposición ao amianto unha compensación económica decorrente dos danos e prexuízos causados á súa saúde.

Este Real Decreto, que entrará en vigor aos tres meses da súa publicación, aproba o desenvolvemento regulamentario da Lei 21/2022, do 19 de outubro, de creación dun fondo de compensación para as vítimas do amianto, que resulta imprescindible para que este fondo poida empezar a funcionar ao regular

. Quen pode ser beneficiario.
Os requisitos que deben cumprir para o seu
recoñecemento. O procedemento para solicitar a compensación e a súa aprobación.
O importe das indemnizacións

As persoas beneficiarias percibirán unha compensación indemnizatoria a través dun pagamento único con cargo a este fondo.

A ministra de Inclusión, Seguridade Social e Migracións, Elma Saiz, asegurou que deste xeito “reparamos os danos e prexuízos causados sobre miles de vítimas, que levan moito tempo esperando esta resposta, tras sufrir unha exposición ao amianto no ámbito laboral, ambiental ou doméstico. É unha cuestión de xustiza para estes cidadáns e os seus familiares”.

Beneficiarios

O texto recoñece a condición de beneficiario a quen obtivese o recoñecemento administrativo ou xudicial firme dunha pensión de incapacidade permanente derivada de enfermidade profesional ocasionada polo amianto; teñan dereito de cobramento a unha indemnización, por sentenza xudicial firme- sempre que non puidesen executar a sentenza total ou parcialmente- ou os non incluídos nos puntos anteriores que padezan unha enfermidade das recollidas no anexo deste real decreto, en virtude de determinadas circunstancias. Así mesmo, tamén serán beneficiarias as persoas habentes causa de quen teña recoñecida esta condición (xa que son os que reciben os dereitos doutros).

Entre os requisitos para solicitar a compensación económica figura o que o dano ha de derivar dalgunha das patoloxías producidas pola exposición ao amianto que se relacionan no Anexo II do RD (mesotelioma, cancro de pulmón ou de larinxe ou asbestose con repercusión funcional moderada ou severa).

Procedemento

Os interesados deben solicitar á Consellería de Saúde ou organismo análogo correspondente da súa Comunidade autónoma o certificado do diagnóstico de patoloxías derivadas da exposición ao amianto.

Unha vez que o organismo emita o certificado que acredite que existen as patoloxías previstas e que foron causadas pola exposición ao amianto, poderán presentar a solicitude da compensación ao Instituto Nacional da Seguridade Social (INSS) , mediante a cumprimentación dun formulario que se habilitará na sede electrónica.

Para determinar a contía, o INSS aplicará o baremo establecido en función das patoloxías derivadas da exposición ao amianto. Este importe fixouse tomando en consideración a contía media por ano da pensión de incapacidade permanente absoluta derivada de enfermidades profesionais, a data 31 de decembro de 2024. O resultado é o seguinte:

32.Asbestose: 32.207, 08 euros.
Cancro de larinxe: 48.310, 62 euros (importe de referencia por 1,5).
Cancro de pulmón: 64.414, 16 euros (multiplicado por 2).
Mesotelioma: 96.621, 24 (importe de referencia por 3)

No caso de que o afectado sufra varias patoloxías aplicarase o baremo que corresponda á de maior gravidade.

A resolución emitirase no prazo de 6 meses desde o rexistro da solicitude. Se, neste prazo, non houbese resposta expresa, o silencio entenderase negativo e, polo tanto, non se recoñecerá o importe da compensación ao solicitante.