Alberto Sereno Álvarez

Alberto Sereno Álvarez foi secretario xeral do Consello Superior de Investigacións Científicas (CSIC) desde xaneiro do 2012 ata xullo de 2022.

É licenciado en Ciencias Biolóxicas pola Universidade Complutense de Madrid e funcionario do Corpo Superior de Administradores Civís do Estado. No últimos trinta anos desempeñou distintos postos de responsabilidade na Administración Xeral do Estado.

Foi director xeneral do Instituto Xeográfico Nacional durante dez anos (2002-2012), subdirector xeral de Recursos Humanos e Organización do Ministerio de Economía e Facenda (1996-2002), director xeral da Función Pública (1995-1996) e director xeral de Servizos no Ministerio para as Administracións Públicas desde 1993 a 1995.

Tamén participou en órganos de goberno de diferentes empresas públicas, como Auxini, Trasmediterránea, Correos ou Puertos del Estado; ou de empresas privadas, como Bíópolis; e en órganos colexiados como a Comisión Superior de Persoal, a Comisión Interministerial de Retribucións ou o Consello Superior Xeográfico.

Colaborou en numerosas accións formativas, especialmente no ámbito da Xestión e Planificación Estratéxica e no desenvolvemento de recursos humanos, planificación e xestión de investimentos ou seguimento e control orzamentarios.

É coautor do estudo "Administración e Competitividade", publicado pola Escola de Organización Industrial, e do ensaio "Sobre Ciencia, xestión pública e outras necesidades" publicado polo Instituto Nacional de Administración Pública.