El empleo aumenta en 67.012 afiliados en términos desestacionalizados en el periodo que va de mitad de enero a mitad de febrero

Urtarrilaren erditik otsailaren erdira arte, aurreko bi hamabostaldietako batez besteko afiliazioa 67.012 pertsonakoa izan da, urtaro-eraginik gabe.

Aldi horretan izandako gorakada urtarrilean izandakoa baino handiagoa da (aurreko bi hamabostaldietako batez bestekoa), orduan 57.726 afiliatu gehiago egon baitziren, eta azken hiru hilabeteetan izandako hamabostaldiko batez besteko gorakada baino handiagoa ere bada (23.713).

Eskuragarri dauden azken datuak kontuan hartuta, guztira 20.333.566 afiliatu daude, 2022ko amaieran baino 92.672 gehiago eta 2021eko itxieran baino 571.697 gehiago.

Metodologia berria

Inklusio, Gizarte Segurantza eta Migrazio Ministerioak 2023ko urtarriletik eskaintzen duen hamabostean behingo afiliazio-estatistikak bi aurrerapen ditu oinarri. Aurrerapen horiek afiliazioaren bilakaeraren ikuspegi garbiagoa ematen dute, eta lan-merkatuaren jarraipena egitea ahalbidetzen dute, hilekoa baino maiztasun handiagoko datuekin, zeinak ordura arte eskuragarri zeuden bakarrak baitira.

Lehen berrikuntza hileko desestazionalizazio-faktore berriak dira, pandemiaren eragin handieneko urteak (2020 eta 2021) zein susperraldiaren lehen urte osoa (2022) kontuan hartzen dituztenak. Horrela, urtaroko doikuntzaren zehaztasuna hobetzen da; ordura arte, kalkuluan erabilitako azken urtea 2019 zen.

Bigarren aurrerapena eguneko datuen urtaroko doikuntza da, urtarokotasun-efektuen eta egutegiaren eguneko afiliazio-zifrak araztea ahalbidetzen duen metodologia batekin. Horiekin, lan merkatuaren jarraipena egin daiteke hilekoa baino maiztasun handiagoko datuekin (astekoa, hamabostekoa).

Azkenik, argitaratzen diren goi-maiztasuneko serieetan doitutako datuen zenbatespenak bat etor daitezen hileroko urtarokotasun-datu doituekin, koherentzia bermatzen duen doikuntza bat egiten da, eta, hala, hileko faktorearekin guztiz bateragarria den eguneroko faktore bat lortzen da.

Eguneroko faktore horiei esker, gai honetan aurreratuen dauden herrialdeetako datuekin pareka daitezke datuen argitalpena eta banaketa, eta lan-merkatuaren bilakaera aztertzeko eta interpretatzeko aukera berriak eskaintzen dizkie espezialistei eta publikoari.

Datuen erabilera

Ohar honetan eta erantsitako tauletan aurkeztutako afiliazio-datuak bi hamabostaldiren batez bestekotik abiatuta lantzen dira, eta aurreko bi hamabostaldietako batez besteko datuekin alderatzen dira. Horrela, hilabete erdian hilekoaren baliokidea den datu bat lortzen da, hilabetearen amaierako datuetan hilekoaren berdin-berdina dena, eta datu egonkorragoak lortzen dira, lan-merkatuaren egoera argiago erakusten dutenak maiztasun handieneko datuak erabiliz baino, astekoak kasu.

Datuak hamabostean behin argitaratuko dira ministerioaren webgunean.

OHARRA

Eguneko urte-sasoiko faktoreak kalkulatzeko erabiltzen den metodologia

Eguneko datuak dituen urtaroko osagaiaren zenbatespena osagai behaezinen egiturazko eredu baten bidez egiten da: joera, urtaroko osagaia eta osagai irregularra. Bere TBATS akronimoak bere propietate batzuk definitzen ditu (T: funtzio trigonometrikoen araberako gutxi gorabeherako urtarokotasuna, B: Box-Cox transformazioa, A: ARMA irudikapena osagai irregularrarentzat, T: Joera, S: urtaroko osagaiak). Afiliazio-serieak urtaro anizkoitza du. Izan ere, urtaroko osagaia asteko ziklo batek, hil barruko ziklo batek eta urteko zikloak osatzen dute, eta berezitasun bat du: hil barruko zikloak aldakortasun handia du hileko azken egunetan. 2011tik 2022ko amaierara arte estimatzen da eredua. Xehetasun gehiagorako, ikus hurrengo ohar metodologikoa: https://run.gob.es/hun751d7